Përshtati në shqip për “Shendeti.com.al“: Blertina Koka
Testet e para të një terapie të re për kancerin, ku qelizat e bardha të gjakut modifikohen për të sulmuar qelizat kancerogjene, kanë shkaktuar vdekjen e 3 pacientëve. Si pasojë e kësaj, Administrata Amerikane e Ushqimit dhe Barnave (FDA) ka urdhëruar ndalimin e përkohshëm të testeve.
Terapia e re, e quajtur JCAR015, përdor qelizat imune të modifikuara gjenetikisht, njohur ndryshe si qelizat CAR-T, për të trajtuar leuceminë akute lymfoblastike (ALL) tek të rriturit, një kancer i sistemit imunitar që nis nga versionet e para të qelizave të bardha të gjakut, të quajtura limfocites në palcën e kockave.
Sapo qelizat e modifikuara CAR-T rifuten tek sistem i qarkullimit të gjakut i pacientit, ata duhet të parandalojnë përhapjen e kancerin. Gjatë një studimi të kryer në fillim të këtij viti, 94% e pacientëve të prekur nga stadi i fundit i kancerit, të cilët u trajtuan me qelizat CAR-T, shfaqën përmirësime.
Trajtimi ishte shumë premtues për luftimin e kancerit, por, pas vdekjes së 3 pacientëve, është vënë në mëdyshje nëse duhet të vazhdojnë testime të tjera apo jo.
Tre pacientët, të gjithë të moshës nën 25 vjeç, kanë klinikën “Juno Therapeutics Phase II”, e cila ka përdorur qelizat CAR-T për të trajtuar leuceminë akute limfoblastike. Pacientët vdiqën pas një akumulimi të lëngjeve të tepërta në trurin e tyre. Në të gjitha rastet, vdekjet ndodhën pasi u shtua ilaçi fludarabine gjatë trajtimit.
Vdekja e parë ndodhi në muajin maj, por klinika nuk ishte i sigurt për shkaktarin e vdekjes. Ndërsa dy vdekjet e tjera ndodhën njëra pas tjetrës pas akumulimit të lëngjeve në trurin e pacientëve. Këto dy vdekje tërhoqën edhe vëmendjen e FDA-së, e cila mori menjëherë vendimin që të ndaloheshin përkohësisht testimet.
Burimi: Gizmodo / https://shendeti.com.al/
