Kesilda Gjoka
Në kuadër të promovimit të respektimit të të drejtave të komunitetit LGBTI, Komiteti Shqiptar i Helsinkit dhe Ambasada e Vendeve të Ulëta në Tiranë, në bashkëpunim me Pride Photo Award, mirëpriten ditën e djeshme çeljen e Ekspozitës “LGBT Pride Photo Award”. Ekspozita do të jetë e hapur dhe mirëpret të gjithë të interesuarit nga data 1-17 nëntor.
Qëllimi i ekspozitës është promovimi i të drejtave të njeriut të komunitetit LGBTI në Shqipëri.
Ekspozita u çel nga ambasadorja e Holandës në Shqipëri, znj.Dewi van de Weerd dhe z. Boris Dittrich, drejtor Advokimi i Programit të të Drejtave të LGBTI-së, pranë Mbikëqyrjes të drejtave të njeriut. Në fjalën e tyre përshëndetëse falënderuan dhe ftuan pjesëmarrësit të ngrinin zërin për këtë tematikë kaq të ndjeshëm dhe të shpërndajnë fotot edhe në rrjetet sociale.
‘Pride Photo Award’ është një konkurs i përvitshëm ndërkombëtar, me fokus mbi diversitetin seksual dhe identitetin gjinor. Ajo sjell së bashku fotot më të mira nga e gjithë bota duke kërkuar të ndihmojnë një botë më të drejtë dhe më gjithëpërfshirëse duke e bërë diversitetin seksual dhe gjinor të dukshme dhe duke nxitur ndërgjegjësimin ndaj të qenit “ndryshe”.
