Emri mjekësor i ulcerave në gojë është “stomatit aftoz” që do të thotë “plagë e zjarrtë” dhe dalin rreth zgavrës së gojës. Këto ulcera janë të vogla, por shkaktojnë dhimbje të mëdha, madje shpeshherë pengojnë edhe gëlltitjen e ushqimit. Ulcerat janë infeksione virale që zgjasin disa ditë ose 1 javë, por ndonjëherë mund të zgjasin edhe më gjatë nëse nuk trajtohen.
Ja disa mënyra natyrale për t’i trajtuar këto ulcera:
Ujë me kripë: përzieni një majë luge kripë me ujë të ngrohtë dhe shpëlani gojën nga ana e ulcerave. Mbajeni ujin me kripë për disa minuta në gojë. Përsëriteni këtë mënyrë disa herë gjatë ditës.
Çaji i zi: mbani në gojë për disa minuta çaj të zi (pa sheqer). Përsëriteni shpesh gjatë ditës këtë metodë.
Aloe vera: thithni me anë të një lecke pambuku lëngun (xhelin) e aloe veras dhe mbajeni në gojë disa minuta. Përsëriteni disa herë gjatë ditës.
Propolisi: hidhni disa pika propolisi direkt në ulcera. Pas aplikimit të propolisit mos hani ose pini për 1 orë. Përsëriteni disa herë këtë metodë.
Vitaminë C dhe zink: kur dalin këto ulcera në gojë, do të thot që imuniteti ka rënë. Kështu që është e nevojshme që të konsumoni shumë ushqime që përmbajnë vitaminë C dhe zink në mënyrë që t’ju rritet imuniteti.
Përshtati në shqip për “Shëndet+”: Daniela Bardhi
