Jo të gjitha ushqimet duhet të hidhen pas datës së skadencës. Shumë prej tyre mund të konservohen dhe të konsumohen pas kësaj date. Ekspertët e ushqimit kanë publikuar një listë me disa ushqime që mund të konsumohen edhe pasi u ka kaluar data e skadencës:
Qumështi – Qumështi i pasterizuar mund të konsumohet edhe pasi i ka kaluar data e skadencës nëse ruhet në frigorifer me temperaturë të ulët.
Vezët: Sipas ekspertes së ushqimit Dana Gunders, vezët mund të zgjasin tre deri në pesë javë (vezët e paziera) nëse ruhen në një temperaturë poshtë 50 C. Duhet me patjetër që t’i ruani me këtë temperaturë për të penguar rritjen e bakterit helmues “Salmonella”.
Ëmbëlsirat: Çdo ushqim që përmban shumë sheqer, si mjalti apo reçeli, mund të konsumohet edhe pas datës së skadencës. Mjalti nuk skadon asnjëherë.
Patatinat: Sasia e madhe e kripës e pranishme në brendësi të pakos me patatina bën që ato të konsumohen për një kohë të gjatë. Patatinat mund të hahen edhe tri javë pas datës së skadencës.
Biskotat: Ashtu si patatinat, edhe biskotat janë të përpunuara mirë, prandaj mund të konsumohen edhe pas datës së skadencës. Ato mund të konsumohen dy muaj pasi u ka kaluar data e skadencës.
Buka: Nëse e ruani bukën në frigorifer, atëherë mund të zgjasë për shumë kohë. Edhe pse mund të jetë pak e ndenjur ose e thatë, buka gjithsesi mund të ngrohet në furrë. E rëndësishme është ta kontrolloni mirë për myk në sipërfaqe dhe në brendësi.
Mishi: Nëse ruhet në temperaturën e duhur, mishi mund të konsumohet edhe pasi i ka kaluar data e skadencës. Vetëm duhet të siguroheni që ta mbani atë në ngrirje.
Djathi: Djathrat e fortë, si djathi çedër, mund të konsumohen edhe pas datës së skadencës. Nëse krijohet pak myk, mund ta hiqni me thikë.
Përshtati për gazetën “Shëndet+”: Blertina Koka / Burimi: Daily Mail
