Përshtati në shqip për “Shendeti.com.al”: Blertina Koka
Po bëheni gati për plazh? Doni të dini se çfarë metodash alternative natyrale mund të përdorni për t’u mbrojtur nga rrezet e diellit? Ja cilat janë disa nga vajrat më të mira natyrale që mund t’i përdorni si krem kundra diellit:
Vaj bajame
Është një nga vajrat esencialë më popullorë. Ai ka SPF natyral 5, që është pak e ulët, por përmban një sasi të madhe të vitaminës E, e cila mbron lëkurën dhe e mban atë të butë. Vaji i bajames është gjithashtu i mirë për flokët, pasi i mban të buta dhe të shndritshme. Mund ta përdorni vajin e bajames së bashku me një krem tjetër për lëkurën.
Vaji i avokados
Mund ta përzieni këtë vaj me SPF të paktën 15. Vajin e avokados mund ta gjeni tekdyqanet e erëzave dhe vajrave esencialë. Nëse nuk e keni këtë vaj, mund ta përdorni direkt avokadon për lëkurën. Vetëm mos e teproni me të, sepse do të përfundoni me ngjyrë jeshile.
Vaji i ullirit
Ky është një nga vajrat më të pëlqyer dhe më të përdorur nga shumica e njerëzve. Me siguri i dini përfitimet e shumta shëndetësore të vajit të ullirit, por mund të mos dini që ai zbut gjithashtu lëkurën, mbron nga dëmtimet e diellit dhe siguron një sërë antioksiduesish për trajtimin e djegieve.
Nëse nuk ju mjaftojnë të gjitha këto, duhet të dini gjithashtu si vaji i ullirit është i mirë edhe për kokën dhe flokët.
Burimi: Step to Health / https://shendeti.com.al/