Drejtori i Spitalit të Laçit, Gazmir Dervishi, ka reaguar pas vdekjes së 7-vjeçares Pamela Jahja. Sipas tij, vogëlushja vuante nga një pneumoni e rëndë. Ndërsa ka sqaruar se vajzës së mitur i është dhënë ndihma e parë në spital dhe pastaj është dërguar në 
QSUT në Tiranë, pasi gjendja e saj është përkeqësuar.
“Pamela qëndroi 2 orë në spital. E mitura u transportua në Lezhë. Transportimi u bë pas rëndimit të gjendjes shëndetësore. Të nesërmen u transportua në QSUT, në Tiranë. Ajo vuante nga një pneumoni e rëndë”, deklaroi Dervishi.
Pamela Jahja jetonte në një rulotë të shkatërruar në fshatin Shullaz të Kurbinit bashkë me prindërit e saj të papunë dhe motrën e vogël. Babai i saj fajësoi shtetin që s’i ofroi një banesë ku fëmijët të jetonin siç duhej dhe të mos sëmureshin nga mungesa e kushteve. Gjithashtu ai akuzoi mjekët e Laçit se nuk e kishin trajtuar siç duhet të bijën./ BW
