Konsumi i moderuar i verës së kuqe është i mirë për zemrën. Vera është konsideruar si një prej pijeve alkoolike më të shëndetëshme, madje është një komponent thelbësor i dietës mesdhetare.
- Pse duhet të zgjidhni verë të kuqe?
Zgjidhni verë të kuqe për shkak të përmbajtjes më të lartë të antioksidantëve. Vera e kuqe ka komponentë thelbësorë që luajnë një rol të rëndësishëm në shëndetin e zemrës dhe për të lehtësuar gjendjen e mirë të enëve të gjakut.
- Cilat janë përfitimet e verës së kuqë për zemrën?
Konsumi i moderuar i verës së kuqe ka efekte të dobishme, duke zvogëluar rrezikun e sëmundjeve koronare të zemrës. Kjo për shkak të komponentëve kryesore që gjenden në të, dmth alkoolit dhe substancave të ndryshme antioksidante si: tystoli, resveratoli dhe kompozimet e tjera fenolike.
Veprimi i tyre mbrojtës kryhet nga mekanizma të ndryshme, të tilla si rritja e kolesterolit të mirë, kufizimi i mpikjes së enëve të gjakut dhe reduktimin e koagulimit të gjakut.
Substancat antioksiduese janë gjetur në përqëndrime të larta në verërat e kuqe që janë fermentuar në fuçi lisi.
- Cilat janë komponentet kryesore ushqyese të verës së kuqe?
Përbërësit kryesore të verës janë alkooli – rreth 10-12%, karbohidratet – rreth 2.6%, sheqernat e thjeshtë – rreth 0.6%. Gjithashtu, siç u përmend më sipër, vera përmban një sasi të konsiderueshme antioksidantësh (përbërësit kryesorë fenolike).
- A mund t’i shoqërojmë ushqimet me verë?
Po, mund të shoqërohen ushqimet me verë. Vera e bardhë është një shoqëruese e mirë e peshkut dhe mishit të bardhë, ndërsa ajo e kuqë e mishit të kuq. Verat e ëmbla janë ideale për tu shoqëruar me ëlmëlsira.
- Sa gota verë të kuqe duhet të pini në ditë?
Të gjitha efektet e dobishme të verës së kuqe përfitohen nëse konsumoni 2 gota në ditë. Nëse nuk pini verë gjatë gjithë javës, ose e konsumoni atë vetëm në fundjavë, efektet pozitive që përmendëm më sipër nuk do t’i ndjeni. Për meshkujt këshillohet 2 gota verë në ditë, ndërsa për femrat 1 gotë.
KUJDES!!! Konsumi i rregullt i sasive të mëdha të verës mund të rrisë presionin e gjakut dhe triglicerideve, duke rritur kështu rrezikun kardiovaskular. Rekomandimet e mësipërme ndryshojnë për njerëzit që kanë probleme shëndetësore. Ata duhet të konsultohen më parë me mjekun.
Përshtati në shqip për “Shëndet+” : Daniela Bardhi
