Përgatiti për www.shendeti.com.al: Elena Beta
Studimet ndër vite, kanë treguar që vera e kuqe dhe boronicat janë faktor ndikues në parandalimin e sëmundjeve të zemrës, kjo për shkak se ndihmon në zvogëlimin e shtresave yndyrore në abdomen, yndyrë e cila është e lidhur ngushtë me sëmundjet e zemrës. Mirëpo, deri tani, nuk dihet se cila është arsyeja që qëndron pas këtyre vetive çudibërëse. Hulumtuesit nga Instituti i Floridës kanë bërë të ditur që një komponent i quajtur resveratrol është arsyeja kryesore e të mirave që ka shëndeti i njeriut nga vera dhe boronicat..
Ekipi hulumtues i udhëhequr nga Kendall Nettles ka zbuluar që resveratroli ndikon në bllokimin e proteinës së quajtur ‘interleukin 6 (IL-6)’, proteinë e cila gjendet në sistemin imun dhe shkakton dobësim të sistemit imunitar.
Niveli i lartë i proteinës IL-6 thuhet të jetë shkaktari kryesor i kancerit në gji dhe shumë femra, të cilat vuajnë nga ky kancer, janë marrë me ushtrime të ndryshme fizike, në mesin e të cilave edhe joga, për të zvogëluar rrezikun nga ky lloj kanceri. Megjithatë, tani është bërë e ditur që konsumimi i ushqimeve të pasura me resveratrol është i domosdoshëm në luftë me kancerin në gji dhe llojet e tjera të kancerit.
Rezultati i studimit i vesh boronicës edhe një efekt tjetër pozitiv, krahas dobive të tjera si ulja e kolesterolit dhe kontrollimi më i mirë i niveleve të glukozës, edhe nëse ushqimi nuk ka qenë i duhuri për shëndetin e zemrës.
Burimi: healthyfood / shendeti.com.al
