Përshtati në shqip për “Shendeti.com.al”: Blertina Koka
Në një intervistë të dhënë për revistën prestigjioze “The Edit”, ylli britanik Victoria Beckham ka zbuluar sekretet e bukurisë. Duke folur për produktet e saj të preferuar, ushqyerjen e shëndetshme dhe lançimin e koleksionit të ri të make-up, ajo zbuloi edhe disa sekrete të çuditshme për kujdesin ndaj lëkurës.
“Takova një dermatolog në Los Anxhelos, dr. Harold Lancer, që është fantastik. Kam vite që e njoh, ai ma solli lëkurën në vete”, tregon ajo.
“Kam pasur një lëkurë problematike dhe ai më këshilloi: “Duhet të hash salmon çdo ditë. E pyeta: ‘Vërtetë, çdo ditë?’ Ai m’u përgjigj: ‘Po, në mëngjes, drekë ose darkë, duhet ta hani atë çdo ditë’.
Dermatologu mund t’i ketë këshilluar konsumimin e salmonit pasi është i pasur me acide yndyrore omega 3, që sipas ekspertëve të kujdesit ndaj lëkurës, e mban lëkurën të butë, të hidratuar dhe elastike.
Megjithatë, çdo ditë? 😮 😯
Burimi: Marie Claire / https://shendeti.com.al/
