Pyetje e ardhur në info@shendeti.com.al/FB: Gazeta Shendeti
Kam një problem prej disa vitesh me lëkurën. Kam gjatë gjithë kohës “ekzema” të tilla. Po i quaj ekzema, pasi nuk di ç’emër t’i vë. Vuaj nga diabeti dhe mjekja e diabetit më tha se është myk, por 
mjekimi që ajo më ka dhënë nuk më ka bërë asnjë efekt. Ime më, më ka thënë se edhe babai im ka pasur probleme me lëkurën. Theksoj se unë jam e vetmja në familje që vuaj nga diabeti. Nuk e kam të trashëguar. Këto ekzema hera-herës më kruhen shumë, sa bëhen të dhimbshme. Ju lutem, më sugjeroni diçka.
Përgjigjet për gazetën “Shëndet+” mjekja dermatologe Blerta Gjoni
Diabeti është favorizues i shfaqjes së mykut. Duhet ekzaminim i lëkurës për terren mykotik, në rastin konkret. Pas marrjes së përgjigjes jepet terapi edhe lokale, edhe nga goja nga dermatologia. Rekomandoj vizitë të menjëhershme te mjeku dermatolog.
