Doktor, doja të bëja një pyetje. Këtë vit po mendoj që ndryshe nga vitet e tjera të mos i drejtohem detit, por të shkoj në llixha. Por kam probleme me nervin shiatik. A janë të mira llixhat për nervin shiatik? Po për hernien diskale?
Përgjigjja nga fizioterapisti Petrit Drini
Nëse pacienti nuk ka problem me tensionin arterial dhe aritmi zemre, llixhat bëjnë mirë. Nuk ka garanci që e zgjidh problemin, por sigurisht lehtëson dhe ndihmon në këtë drejtim. Gjithsesi do të ishte mirë që pacienti para se të shkojë në llixha, fillimisht të konsultohet me mjekun ortoped ose me fizioterapistin që po e ndjek. Në këtë mënyrë mund të sigurohet që të mos ketë probleme.
