Përshtati në shqip për gazetën “Shëndet+”: Blertina Koka
Rënia e gjoksit është një proces natyror që ndodh me plakjen, pasi gjoksi humbet fleksibilitetin dhe elasticitetin. Lindja e fëmijës dhe ushqyerja e tij me gji çon gjithashtu në humbjen e elasticitetit të kolagjenit, indi lidhës poshtë lëkurës, duke shkaktuar rënie të gjoksit.
Megjithatë, ka raste kur rënia e gjoksit nuk shkaktohet as nga plakja, as nga lindja e fëmijës apo gjenetika, por nga zakone që ne i bëjmë çdo ditë. Prandaj, nëse i shmangni këto zakone, gjoksi juaj do të duket më i bukur.
Keni shtuar ose rënë në peshë në mënyrë drastike
Çdo herë që ju humbisni ose shtoni kile, indet e gjinjve bëhen më të plogësht, ndërsa lëkura humbet elasticitetit.
Pini duhan
Edhe gjoksi nuk do t’i shpëtojë dëmtimeve të duhanit. Çdo sasi e konsumuar e duhanit prish elasticitetin dhe rrudh lëkurën duke ulur furnizimin e gjakut në sipërfaqen e lëkurës.
Nuk e mbroni gjoksin nga dielli
Ekspozimi i fytyrës në diell pa vendosur një krem mbrojtës kundra diellit mund të çojë në plakje të parakohshme të saj. I njëjti efekt është edhe tek gjoksi, pasi dielli tendos kolagjenin shkakton dëmtim të lëkurës.
Vishni masën e gabuar të reçipetave
Nëse reçipetat nuk ofrojnë mbështetje maksimale të gjoksit, mund të shkaktojnë rënie të tij me kalimin e kohës. Prandaj, sigurohuni që të vishni reçipetat e duhura për formën tuaj të gjoksit. (Ja disa nga llojet e reçipetave të përshtatshme për format e ndryshme të gjoksit).
Burimi: Women’s Health / https://shendeti.com.al/
