Përshtati në shqip: Blertina Koka
Me zhvillimin e teknologjisë dhe shtimin e testeve gjatë shtatzënisë në Evropë dhe SHBA, ka rënë konsiderueshëm numri i foshnjave të lindura me sindromën Down. Megjithatë, pak shtet janë shumë afër eliminimit të lindjeve me këtë sindromë, siç është Islanda.
Në Islandë, që me zhvillimin e këtyre testeve në fillim të viteve 2000, pjesa më e madhe e grave (gati 100%), të cilat rezultuan pozitive me sindromën Down, kanë vendosur që të abortojnë. Edhe pse testet janë sipas dëshirës, shteti Islandez i jep të drejtën çdo gruaje shtatzënë që të informohet për to, në mënyrë që të zbulojnë në kohë nëse foshnja ka sindromën Down dhe të vendosin vetë nëse duan ta abortojnë ose jo. Rreth 80-85% e grave zgjedhin që ta bëjnë këtë test.
Me anë të një analize gjaku, ekoje dhe duke marrë parasysh moshën e nënës, testi, i quajtur “Testi i Kombinuar”, përcakton nëse fetusi mund të ketë një çrregullim të kromozomeve, që në shumicën e rasteve rezulton në sindromën down. Fëmijët e lindur me këtë çrregullim gjenetik kanë disa karakteristika identifikuese në fytyrë dhe një sërë çrregullimesh në zhvillim. Megjithatë, shumica e njerëzve të lindur me sindromën Down mund të jetojnë një jetë të shëndetshme, me një jetëgjatësi mesatare rreth 60 vjeç.
Ndryshe nga Islanda, shtete të tjera janë shumë larg zhdukjes së sindromës Down./ Shendeti.com.al
