Përshtati në shqip për “Shendeti.com.al”: Blertina Koka
Thuhet se meshkujt janë nga Marsi dhe gratë nga Venusi, dhe të dy janë në dy botë të ndara kur bëhet fjalë për t’u dobësuar. Meshkujt si duket e kanë më të lehtë për t’u dobësuar.
Dhe, sipas dietologes Rhiannon Lambert, ka një arsye.
“Meshkujt kanë më shumë masë muskulore, prandaj djegin 20% më shumë kalori”, thotë Rhiannon. “Ata kanë gjithashtu nivele më të ulëta të estrogjenit, që ruan yndyrat”, shton ajo.
Metabolizmi tek femrat gjithashtu fillon të dobësohet me kalimin e moshës, ndërkohë që tek meshkujt është më i shpejtë. Gratë janë më të orientuara drejt karbohidrateve, ndërsa meshkujt janë më të fokusuar tek mishi.
Prandaj, djema, keni më shumë shanse se gratë për t’u dobësuar. Plani 7-ditor i dietologes shërben si për meshkujt ashtu edhe femrat të cilët duan të dobësohen dhe të hanë shëndetshëm.
Para se të nisni dietën, duhet të eliminoni menjëherë këto ushqime:
- qumështin
- të gjitha llojet e bukës, përveç asaj të thekur
- sheqerin
- alkoolin
Këshilla
- Prisni 4-5 orë mes çdo vakti.
- Hani fruta sa më shumë, shmangni bananen, ananasin dhe papajën.
- Hani ushqime të pasura me proteina në çdo vakt.
- Varieteti është çelësi kryesor në një dietë, përdorni burime të ndryshme të mishit/peshkut/perimeve gjatë ditës.
- Qëndroni larg nga karbohidratet e përpunuara, konsumoni në vend të tyre patatet të ëmbla dhe drithëra të shëndetshme, si oriz integral, kuinoa, elb etj.
- Pini minimumi 2 litra ujë në ditë.
Pjesën më të madhe të erëzave dhe produkteve ushqimore mund t’i gjeni tek Alegria (dyqani kryesor Rr. Margarita Tutulani, 300 m sa kalon shkollën Petro Nini, Tiranë).
Dita e parë: E hënë
Mëngjes
- 30-50 gramë bollgur (në varësi të ushtrimeve që bëni)
- 75 gr manaferra
- kubikë akulli
- 1/3 filxhan me qumësht bajamesh.
- 1 lugë gjelle gjalpë kikiriku.
- 1 lugë kakao
I përzieni të gjitha bashkë në një shtrydhëse dhe e konsumoni lëngun menjëherë.
Drekë:
- Pulë (të jetë jo më e madhe se pëllëmba e dorës ose një gjoks pule)
- ½ filxhan me perime (kastravecë, sallatë jeshile, spec jeshil, kërpudha, qepë).
- 1 lugë gjelle uthull molle, përzierje erëzash, Shafran Indie pluhur, gjethe borziloku dhe një galina blanka me shije pule / 100 ml ujë.
Skuqni pulën me perimet në vaj ulliri dhe shtoni 2 lugë gjelle ujë dhe erëza. Shërbejeni me 60-80 gr oriz integral.
Darkë
- Biftek (sa pëllëmba e dorës)
- ½ filxhan me kërpudha dhe 2 lugë gjelle qepë të copëtuara.
- kripë, piper dhe erëza.
- pak ujë të ëmbëlsuar me sheqer.
Ose i skuqni fillimisht kërpudhat, dhe u shtoni 60-80 gr kuinoa (mund ta zëvendësoni me oriz integral).
I gatuani kuinoat për 20-25 minuta. I skuqni kërpudhat dhe qepët për 2 minuta, hidhni erëza tek bifteku dhe e gatuani me 1/3 lugë çaji vaj kokosi. Në fund shtoni ujin.
Përzierjen e përgatitur hidheni tek kuinoa.
Dita e dytë: E martë
Mëngjes:
- ½ filxhan kërpudha, qepë të copëtuara mirë dhe selino.
- 1 copë djathë mocarela.
- E përzieni atë me perime (sipas dëshirës) dhe e ngrohni në mikrovalë për 3-4 minuta.
Shërbejeni me 1 fetë bukë të thekur.
Drekë
- 1 gjoks pule
- 2 lugë gjelle qepë të copëtuara dhe një filxhan me mango të prerë në kubikë.
- 2 lugë gjelle uthull molle, 4 lugë gjelle ujë dhe piper.
- Koriandër dhe/ose majdanoz
- 1 filxhan me sallatë perimesh (domate, kastravecë, spec jeshil, selino ose spinaq)
I skuqni mirë pulën me qepë, shtoni uthullën e mollës, kripën, piperin dhe mangon.
I përzieni mirë derisa të zbutet mangoja.
I hani bashkë me sallatën dhe një gjysmë patateje të ëmbël të pjekur në njërën anë.
Darka
- 1 biftek në madhësinë e pëllëmbës së dorës
- ½ filxhan kërpudha dhe qepë të copëtuara mirë
- lugë çaji nga secila prej erëzave (hudhër, piper)
- 5 ml (1 lugë çaji) majonez
- 1 lugë gjelle uthull molle
- 1 filxhan me sallatë (si më sipër)
Skuqni qepën me kërpudhat në 1 lugë gjelle vaj kokosi. Shtoni uthullën e mollës dhe erëzat,
I konsumoni bashkë me sallatën dhe 50-70 g oriz.
Dita e tretë (e mërkurë)
Mëngjes:
- 60 g bollgur
- Qumësht bajamesh
- Pluhur proteinash (kakao për shembull)
Vendosni një tigan në zjarr (me nxehtësi të ulët). Hidhni në të qumështin e bajameve, bollgurin dhe kakaon.
Shërbejeni me një lugë gjalpë kikiriku dhe një grusht me manaferra.
Dreka
- 1 gjoks pule
- 1 filxhan me sallatë jeshile dhe selino
- 1 portokall dhe spec
- Uthull molle, hudhra, 2 lugë gjelle mustardë, erëza.
Vendosni gjethet e sallatës në pjatë me portokallin dhe selinon.
E prisni pulën në copa të vogla dhe e skuqni bashkë me qepën dhe erëzat. E vendosni sipër sallatës.
Shtrydhni bashkë portokallin, mustardën, hudhrën, uthullën e mollës, erëzat dhe pak vaj ulliri. Përzierjen hidheni sipër pulës.
Shërbejeni me 1 fetë bukë të thekur.
Darka:
- 1 biftek në madhësinë e pëllëmbës së dorës
- 1 filxhan me kërpudha
E skuqni biftekun me vaj kokosi dhe kërpudhat.
E shërbeni me 50-70 g kuinoa
Dita e Katërt: E enjte
Mëngjes:
- 2 vezë
- 1 domate e vogël
- Gjysmë qepë
Skuqni qepën dhe domaten bashkë, më pas shtoni vezët, kripën, piperin dhe erëzat. Vendosini sipër bukës së thekur dhe shoqërojini me ¼ e avokados.
Drekë
- 1 copë djathë
- 1 filxhan me kërpudha
- 2 thelpinj hudhra
I prisni mirë kërpudhat dhe hudhrat, dhe i përzieni bashkë. Vendosni në një enë bashkë me djathin e grirë dhe i piqni në furrë për 15 minuta.
Shërbejeni me ½ patate të ëmbël të pjekur.
Darka
- 2 fileto peshk merluc
- 1 vezë
- 1 filxhan spinaq dhe 1 qepë e copëtuar mirë
- 1 thelbi hudhër, e copëtuar mirë
- 1 lugë çaji pluhur Shafran Indie, erëza, kripë, piper dhe spec të freskët.
I përzieni bashkë dhe i ndani në 8 topa të vegjël. Këto të fundit i ngjyeni tek e bardha e vezës dhe mielli që të ngjiten mirë.
I piqni në furrë në temperaturën 200 gradë për 20 minuta, derisa të marrin ngjyrë të artë.
Shërbejeni me oriz kaf.
Dita e pestë (e premte)
Mëngjes
- 3 vezë
- 80 g speca të pjekur
- një grusht spinaq
- fara të thekur
Bëni një omëletë në tigan. Hidhni perimet sipër dhe e piqni për 1-2 minuta sipër skarës.
Shërbejeni duke e spërkatur me pak fara de vaj ulliri ekstra të virgjër.
Drekë
- 1 gjoks pule
- 1 pjeshkë ose nektarinë, e prerë në feta
- 2 lugë çaji pluhur Shafran Indie
- 2 lugë gjelle qepë, të copëtuara mirë
E prisni pulën në copa të vogla dhe e skuqni bashkë me qepën. Shtoni pluhurin e Shafranit të Indisë, fetat e pjeshkës, ujë dhe lërini të ziejnë për 15 minuta.
Shërbejeni me 2 feta bukë të thekur.
Darkë
- 1 domate e vogël, speca jeshile, qepë, kërpudha dhe kungull i njomë, patëllxhan dhe spinaq
- 30 g fruta të thata (shqeme)
I skuqni të gjitha perimet bashkë me frutat e thata.
U spërkasni me pak vaj ulliri.
Dita e gjashtë (e shtunë)
Mëngjes
- 1 vezë
- 30 g miell dhe 100 g kos
- kakao
Përzieni të gjitha në një tas dhe i skuqni pak me vaj kokosi. Shërbejini me manaferra dhe kanellë.
Drekë
- 1 copë djathë mocarela
- majdanoz
- 1 thelbi hudhër
- 1 lugë çaji majonez
- 1 filxhan me brokoli dhe domate të pjekura në avull, dhe pak thjerrëza.
- 2 feta bukë të thekur
Përzieni djathin, erëzat dhe majonezën dhe vendosini në mikrovalë derisa të shkrihen.
Përzierjen e përgatitur vendoseni sipër fetave të bukës dhe shërbejeni bashkë me perimet.
Darkë
- 1 gjoks pule
- 2 thelpinj hudhre, qepë, spinaq
- ½ filxhan mango të prerë në kubikë
E skuqni gjoksin e pulës në tigan bashkë me erëzat.
Shtoni perimet dhe i gatuani derisa të zbuten mirë.
E shtypni mangon dhe e shtoni tek 50-70 g oriz integral.
Dita e shtatë (e diel)
Mëngjes
- 175 ml kos
- Kanellë, kakao, i përzieni në 20 g bollgur dhe i spërkatni me pak bajame të copëtuara.
Drekë
- 1 copë djathë moxarela
- 2 vezë
- 1 thlebi hudhër, e copëtuar mirë, kripë, piper dhe erëza
- ½ filxhan spinaq
- ½ sallatë me perime të freskëta
Përzieni djathin, erëzat, vezët dhe spinaqin në një enë dhe e vendosni në furrë
Shërbejeni bashkë me sallatën.
Darkë
Pulë e pjekur e shëndetshme
E piqni pulën me rozmarinë dhe thelpinj hudhre
Shërbejeni ¼ me brokoli dhe 1 lugë pure me patate të ëmbla.
Burimi: Mirror / https://shendeti.com.al/
