Denisa Canameti
Që në orët e para të mëngjesit në Spitalin Universitar të Traumës paraqiten pacientë me probleme të ndryshme shëndetësore. 
Por kjo nuk është e vetmja gjë që i shqetëson. Të tjera probleme janë të ftohtët dhe mungesa e medikamenteve.
Një nga pacientët e paraqitur sot për shërbim (shiko fotot) kishte nevojë për një medikament si ciprinoli. Infermierja e pavionit në një copë letre e orientoi të afërmin e pacientit drejt farmacisë më të afërt me spitalin, pasi ky medikament, sipas saj, në spital nuk gjendej.
“Receta” e dhënë nga infermierja për ilaçin që mungonte në spital
Pas disa minutash pritjeje në stol, në të ftohtë, në kushte aspak të favorshme, e pasi medikamenti u sigurua nga farmacia jashtë spitalit, pacienti mundi që të merrte shërbimin e duhur.
Pavarësisht kësaj, nga ana e Ministrisë së Shëndetësisë vazhdon të këmbëngulet se në spitalet tona, ilaçet nuk mungojnë.
