Marihuana mjekësore e lëngshme ndihmon Xhejdan Davidin, 6 vjeç, të bëjë një jetë normale
I diagnostikuar me një formë të rrallë të epilepsisë e quajtur sindroma Dravet, Xhejdan David (6 vjeç) kishte provuar 12 lloje të ndryshme ilaçesh, duke marrë 22 pilula çdo ditë. Tani babai i Xhejdanit thotë se një “mrekulli” ka ndodhur që kur djali i tij filloi të marrë një ilaç tjetër të ndryshëm: marihuanë mjekësore të lëngshme.
Sipas Fondacionit të Sindromës Dravet, Sindroma Dravet është një lloj epilepsie shumë e vështirë për t’u trajtuar që fillon që në fëmijëri. Rreth 1 në 30 000 foshnja lindme këtë çrregullim të rrallë gjenetik.
Gjendja e Xhejdanit u bë aq keq sa krizat e tij të përditshme çuan në një total prej të paktën 40 vizitash urgjente në spital.
Babai i tij, Xhejzon David thotë se arriti një pikë “që Xhejdani kishte kriza 24 orët e ditës që zgjatnin një orë e gjysëm. Shkova te doktori dhe i thashë se s’besoja se im bir do të zgjaste shumë, pasi ai s’mund të hante, s’mund të shkonte në banjë, s’mund të bënte asgjë”.
Si banor i Kalifornisë, Xhejzoni vendosi që të përdorte edhe një burim mjekësor të disponueshëm vetëm në disa shtete: marihuanë mjekësore dhe më saktë, një formë të lëngshme të njohur si kanabidiol (CBD).
Pas disa pikave të CBD -sënë ditë për dy vitet e fundit, Xhejzoni pa një ndryshim të madh në shëndetin e të birit. I vogli jo vetëm nuk ka kriza, por ai gjithashtu shijon ecjen, vrapimin, dhe luan si një fëmijë normal.
“Ditën e parë që i dhashë marihuanë mjekësore, falë Zotit, ishte dita e parë në jetën e tij që im bir nuk pati kriza”, shpjegoi Xhejzoni për mediat./ CNN
