Denisa Canameti
“Mjekët janë pasuria e një kombi. Megjithatë, figura e mjekut po cenohet, denigrohet. Ne nuk dalim për testimin, por dalim kundër dhunës që po na bëhet”. Kështu u shpreh Mehdi Alimehmeti, shefi i Shërbimit të Laboratorit të Anatomisë Patologjisë në Qendrën Spitalore Universitare “Nënë Tereza”, ndërsa mjekët, ashtu siç u premtua edhe ditën e enjte, janë sërish në protestë.
Greva e mjekëve tek materniteti “Koço Gliozheni”
Duke iu referuar edhe abuzimit të bërë nga media, mjekët thanë se njerëzit nuk mund të hedhin poshtë gjithë punën e mjekëve dhe të harrojnë se për çdo hall e problem që kanë, ata sërish janë në duart e tyre, lënë jetën në duart e tyre dhe jetën e fëmijëve të tyre në duart e tyre. “Pse nuk cenohet figura e Robert Ndrenikës?” u shpreh një nga mjekët. “Sepse është një pasuri kombëtare. Të tillë janë edhe mjekët!”
