Shumica e njerëzve nuk e fillojnë ditën pa pirë kafe.
Kjo pije e veçantë ka shumë përfitime, më e rëndësishmja është përmbajtja e saj e lartë e acideve klorogjenike antioksiduese (polifenoleve).
Megjithatë, duhet të konsumohet me masë, përndryshe mund të ketë efekte anësore në trup. Përveç vështirësisë në gjumë dhe nervozizmit, ja tre simptoma të zakonshme të pirjes së tepërt të kafesë:
Irritueshmëri
Konsumi i tepërt i kafes mund t’ju bëjë të irritueshëm dhe të ndiheni sikur mërziteni për gjënë më të vogël.
Dhimbje koke
Një nga simptomat më të zakonshme të pirjes së tepërt të kafesë është dhimbja e shpeshtë e kokës. E njëjta gjë mund të ndodhë nëse pini shumë kafe dhe papritmas ndaloni së piri.
Rritje e urinimit
Kjo ndodh sepse kafeina ka edhe veti diuretike, kështu që na bën të shkojmë në banjo më shpesh. E njëjta gjë vlen edhe për çajin.
