Në redaksinë e gazetës “Shëndet+” vendosëm të bënim pak korrigjime në testet e “shqipëruara” nga Ministria e Shëndetësisë, e cila i quan normale gabimet trashanike në testin e infermierëve. Ne vendosëm që të bëjmë vetëm disa korrigjime, por lexuesit tanë kanë vendosur të tregohen më korrektë akoma. Kështu që bashkangjitur po ju sjellim një tjetër rregullim.
Ndoshta ministri (dhe ata rrotull tij) do të kuptojë se ky test nuk është më qesharak, sepse në fakt më shumë se për të qeshur, është për të qarë. E shpresojmë se ndoshta, ata rrotull ministrit do të marrin përsipër të bëjnë një test tjetër, më shqip. Se nuk është çudi që me teste të tilla, stafi infermieror të bëjë “kujt i bie 51-shi” për të rrethuar përgjigjen e saktë. / Arlinda Gjypi
