Nëse Ministria e Shëndetësisë nuk do të tërhiqet nga testimi i mjekëve, çështja do të shkojë deri në Gjykatën Kushtetuese. Kështu shprehet presidenti i Urdhrit të Mjekut Din Abazaj.
“Jemi të vendosur dhe do të ndjekim çdo hallkë ligjore për të ndaluar testimin ndaj mjekëve. Aktualisht po presim që Ministria e Shëndetësisë të reflektojë dhe të tërhiqet nga nisma antiligjore e testimit të mjekëve.
“Po vëmë re se vëmendja është përqendruar te inferierët ndaj besojmë se mund të ketë një tërheqje, por nëse kjo nuk ndodh, do ta çojmë çështjen deri në Gjykatën Kushtetuese, pasi ritheksojmë për të disatën herë që testimi është i jashtëligjshëm”.
Edhe kreu i Urdhrit të Infermierit e ka kundërshtuar fort testimin e infermierëve, teksa kërkoi nga Ministria tërheqjen e testeve të përgatitura deri tani, duke i cilësuar ato të papërshtatshme për infermierët.
