Obeziteti prek 25% të meshkujve dhe 18% të femrave. prevalenca e obezitetit ndryshon nga mosha, pra rritet me rritjen e moshës, niveli kulturor dhe etnia. Kjo do të thotë që në shoqëri të ndryshme, obeziteti shfaqet në mosha dhe kategori të ndryshme.
Ekzaminimet e obezitetit nisen nga disa faktorë: koha e fillimit të shtimit të peshës, faktorët shpërthyes, sëmundjet bashkëshoqëruese, numri i shtatzënive, numri i lindjeve, pesha e lindjes së fëmijëve, pesha e fituar gjatë shtatzënisë pesha e mbetur pas shtatzënisë, histori familjare për obezitet.
Ekzaminimet laboratorike për obezitetin janë: glicemia esëll (sheqeri në gjak), lipidograma (yndyrnat në gjak), azotemia dhe kreatinemia, uricemia, provat e heparit dhe transamonazat (analizat e mëlçisë), gjaku komplet me formulë, për sëmundjet bashkëshoqëruese bëhen hormohet e tiroides TSH FT4 dhe FT3 për të parë një hipotiroidizëm (mungesa e hormoneve të tiroides), kortizolemia dhe kortizoli i lirë në urinë për të parë për sindromën Cushing (shtim i kortizolit në gjak) dhe hiperinsulinizmi organik (masë në gjendrën e pankreasit që prodhon më shumë insulinë)./ Shëndet+
