Ministria e Shëndetësisë vazhdon ta reklamojë punën e saj duke fshehur të vërtetat e hidhura për të. Në njoftimin për shtyp të nxjerrë lidhur me konferencën e djeshme, e cila publikoi situatën në Qendrat Shëndetësore në Shqipëri, thuhet se “ky
Ambasadori amerikan Donald Lu
aktivitet u përshëndet nga z. Donald Lu, Ambasador i Shteteve të Bashkuara të Amerikës në Shqipëri”.
Dhe kaq është fjalia me të cilën mbyllet gjithçka në këtë njoftim. Ndërkohë nuk është cituar aspak fjala e ambasadorit Donald Lu, i cili në prezantimin e djeshëm tha: “Ishallah nuk sëmureni!” E shqipëruar fjala “inshallah” do të thotë, “Dashtë Zoti”. Kjo për faktin e thjeshtë se qendrat shëndetësore nuk kanë kushtet e duhura për t’i shërbyer njerëzve.
“Ministri duhet t’i përkthejë këto shifra në punë konkrete për përmirësim”, u shpreh dje ambasadori amerikan Donald Lu, vërejtje që nuk pasqyrohet gjëkundi në deklaratën e ministrisë. Duket se pavarësisht fjalëve negative, ministri Beqaj nuk ka ndërmend t’i marrë parasysh këshillat e ndërkombëtarëve, sidomos të atyre që kanë investuar dhe vazhdojnë të investojnë në shëndetësinë shqiptare, siç është USAID./ A.Gjypi
