(Marrë nga faqja e Unionit të Profesionistëve të Mjekësisë Shqiptare)
Ja si bëhet check up / kontrolli mjekësor i popullatës falas dhe në korridore … Made in Beqaj!
Ku shkuan 120 milionë eurot?!
Ku janë investimet dhe kushtet për kontroll shëndetësor falas?! Këtë e tha me zë dhe figurë edhe Ambasadori Amerikan që e flet gjuhën shqipe më mirë se ministri. Përkthe shifrat në vepra, spese qendrat shëndetësore në vend janë në mjerim dhe pa kushtet minimale bazë.
O popull, tani rrini të qetë sepse mungesa e ilaçeve në sasi dhe si mos më keq në cilesi, mungesa e mjeteve spitalore, aparaturave dhe ambienteve, çdo gjë behet në korridor, në livadh, në stadium, e
është pjesë normale e shëndetësisë sonë publike. Fshati digjet dhe Beqaj krihet!
Privatësia e të dhënave të pacientit ka pak rëndësi, sepse edhe mundësia për të ofruar kujdes mjekësor cilësor bashkëkohor në sistemin shëndetësor publik është e pamundur.
Ne bluzat e bardha ç’mund të bëjmë? A bëhen injeksionet pa shiringa, pa ilaçe? A vihet diagnoza pa laboratorë dhe aparatura? A bëhen operacionet e kockave pa mjete dhe proteza? A pritet druri pa sopatë dhe sharrë? A ndërtohet pa tulla dhe çimento, dru e mjete të tjera? Ustai do mjete që të bëjë ustallëkun mirë!
