Mjekja Arjana Stojku u zgjodh ditën e mërkurë si kreu i Urdhrit të Mjekut të Tiranës, një vendim që u mor me vota e shtatë anëtarëve të kryesisë të Urdhrit të Mjekut të Tiranës, të zgjedhur dy javë më parë.
Përzgjedhja e një mjekeje me përvojë sigurisht që është një plus për një post të tillë, megjithatë nuk kanë munguar komentet e mjekëve të tjerë për një “lojë të pistë” në këtë drejtim.
Kjo, për faktin se Arjana Stojku në krye të Urdhrit të Mjekut të Tiranës, përbën konflikt interesi me detyrën që mban bashkëshorti i saj Edmond Stojku, drejtor i Autoritetit Shëndetësor Rajonal në Tiranë.
Në komentet e mbërritura në redaksinë e “Shëndet+” ngrihet dyshimi nëse ky votim ka qenë presion i bashkëshortit të saj.
