Drejtoria e Qendrës së Kontrollit të Barnave është përfshirë nga një shfaqje me akte dhune. Burime pranë kësaj drejtorie pohojnë për gazetën 
“Shëndet+” se shtetasi R.X ka dhunuar drejtorin e QKKB-së, Zhani Levani, por në këto akte dhunë është përfshirë edhe nëndrejtoresha Ina Thereska, e cila është përpjekur të neutralizojë sherrin.
Për këtë Zhani Levani ka bërë një denoncim në komisariatin Nr.4. Policia nga ana e saj ka thirrur shtetasin R.X për të dhënë sqarime rreth ngjarjes. Për momentin nuk ka shumë të dhëna për këtë ngjarje, por me siguri që mund të ketë lidhje me detyrën e Levanit, aq më shumë që edhe dhunuesi i tij ka në pronësi një farmaci.
Ndërkohë, burime pranë QKKB-së pohojnë se Zhani Levani është kushëri me dhunuesin e tij dhe së bashku kanë pasur një biznes farmaceutik, i cili dyshohet se është edhe shkak për dhunën.
