Testimi kombëtar i mjekëve dhe infermierëve do të bëhet pas qershorit. Kjo për faktin se do të rishikohen pyetjet.
Gazetarja Ola Mitre shkruan se “pas kontestimeve që pati për çështjen e fondit të pyetjeve, grupi i hartimit të tyre mori përsipër rishikimin dhe hartimin e pyetjeve të reja. Por kjo do të kërkojë një periudhë të caktuar kohe, në mënyrë që i gjithë procesi të shikohet me kujdes e për pasojë, propozimi i fondit të ri për bluzat e bardha që do t’i nënshtrohen testimit do të zgjasë për rreth 2 muaj”, u shprehën përfaqësuesit e Ministrisë së Shëndetësisë.
Një gjë e tillë tregon se më në fund edhe vetë ministria është ndërgjegjësuar se në fakt përkthimi (dhe jo hartimi) i pyetjeve që iu prezantuan për testim infermierëve, ishte i një niveli vërtet të dobët. Gazeta “Shëndet+” dhe Shëndeti Online sollën në vëmendje të publikut në muajin shkurt, gafat e bëra në testet për infermierët. Lajmi se ministria ka vendosur të rishikojë një fond të tillë pyetjesh, është pozitiv, nëse vërteton faktin se vërtet ministria ka vendosur të tregohet më e përgjegjshme për testet që ajo kryen./ Redaksia Online
Një nga faqet e testimit të infermierëve, me rregullimet përkatëse
