Dhomat e onkologjikut, Foto: D.Canameti
“Informacionin se në shërbimin onkologjik mungojnë shumë prej citostatikëve, e keni të pasaktë”. Kështu mësohet të jetë shprehur për gazetarin Erjon Skëndaj ministri i Shëndetësisë Ilir Beqaj. I pyetur lidhur me faktin se shumë prej ilaçeve që duhet të jenë në shërbimin onkologjik, blihen në farmaci, ministri duket se ka pranuar që ka mungesa, por ka hedhur poshtë faktin se këto mungesa hyjnë tek fjala “shumë”.
Të kontaktuar nga gazeta “Shëndet+”, burime nga Qendra Spitalore Universitare “Nënë Tereza”, thonë se në shërbimin onkologjik ka ardhur furnizimi me citostatikë, por duke lënë sërish vend për ndonjë ilaç, që sigurisht blihet me kosto të mëdha nga familjarët e të sëmurëve./ A.Gjypi
