Milva Ekonomi është zgjedhur për të qënë përkohësisht në krye të Fondi i Sigurimit të Detyrueshëm të Kujdesit Shëndetësor pas dorëheqjes së parevokueshme të drejtorit Astrit Beci.
Është i njohur skandali i barnave ku u përfshinë një numër jo i vogël farmacish. Ky skandal bëri që një pjesë e të dyshuarve të shkonin përpara drejtësisë. Ndërkohë, ish-kreu i FSDKSH, Astrit Beci, ndjeu detyrimin moral të largohet nga posti i tij. Ky i fundit justifikoi largimin me pretendimin se i lë rrugë të hapur drejtësisë ta ndjekë çështjen deri në fund.
Kështu, vetëm pas disa ditësh pas largimit, në një prej aktiviteteve të tij, ministri Ilir Beqaj u pyet nga gazetarët lidhur me emrin e ri që do të komandohet në krye të atij institucioni. “Që nga dje, Këshilli Administrativ i Fondit ka komanduar në detyrën e drejtueses zv.ministren e Shëndetësisë, znj. Milva Ekonomi, derisa të bëhen procedurat normale deri në zgjedhjen e drejtuesit të ardhshëm”, u përgjigj ministri.
