Qeveria parashikon një shtesë page mujore me 100.000 lekë për mjekët specialistë që do të pranojnë të punojnë larg vendbanimeve të tyre. Vendimi stimulon bluzat e bardha të punojnë në spitalet rajonale dhe qendrat shëndetësore ku ka mungesa të mjekëve specialistë.
Kryeministria Rama, në një konferencë për shtyp dje tha:
“Dua të theksoj që qeveria vendosi dje dhe kjo është shumë e rëndësishme që të ofrojë një shpërblim shtesë prej 100 mijë lekësh në muaj për çdo mjek që vendos të ushtrojë profesionin e tij larg vendbanimit, sepse kemi një problem të madh, të mungesës së mjekëve në shumë zona, madje edhe në spitale rajonale ku ka mungesë specialistësh.
Për të gjithë ata që do të jenë të gatshëm të marrin përsipër detyrën larg vendbanimit të tyre, çdo muaj nga 100 mijë lekë shtesë, jo të vjetra, të kuptohemi”.
