Simptomat e kancerit të prostatës nuk paraqiten që në fazën e hershme të sëmundjes. Kur sëmundja përparon, meshkujt i vërejnë simptomat e saj. Ju duhet të bëni kontrolle të rregullta çdo vit në mënyrë që kanceri të zbulohet që në fazën e hershme të tij.
Ja disa nga simptomat e para që paralajmërojnë shfaqjen e këtij kanceri dhe nuk duhet t’i injoroni:
– problemet kronike dhe të shpeshta me urinimin
– urinim të shpeshtë, sidomos gjatë natës
– paaftësia për ta mbajtur urinimin
– vështirësi në urinim
– ndjesi djegie apo dhimbje gjatë urinimit
– gjak në urinë
– gjak në spermë
– dhimbje në kofshë dhe pjesën e legenit
– probleme me organet gjenitale dhe mosfunksionim i tij
– probleme gjatë marrëdhënieve seksuale
Këto simptoma të përmendura më lart mund të mos duken si shkak i ndonjë kanceri të mundshëm, por nëse keni 2 ose më shumë simptoma të tilla atëherë duhet t’i drejtoheni menjëherë mjekut. Në fazën e tij progresive, kanceri i prostatës mund të ketë simptoma të ngjashme si llojet e tjera të tumoreve, të tilla si lodhje, humbje oreksi, të vjella, dobësi, probleme me gjymtyrët, enjtje të gjymtyrëve etj.
Përshtati në shqip për “Shëndet+”: Daniela Bardhi
Burimi: eMedicineHealth
