Denisa Canameti
Ministri i Shëndetësisë mohon të ketë mungesë barnash në QSUT. Kjo është një bindje që ai e ka krijuar dhe askush e asgjë nuk e bind për të kundërtën. Në Komisionin e Shëndetësisë të para disa ditëve ku u shqyrtua në parim projektligji “Për një ndryshim në ligjin nr. 104/2015 “Për barnat dhe shërbimin farmaceutik” u bë një debat i ashpër midis ministrit dhe anëtarëve.
Kështu, kryetarja e Komisionit Albana Vokshi u shpreh se ajo vazhdon të informohet nga njerëzit që vazhdojnë të vuajnë mugesën e medikamenteve dhe se, sipas saj, mungojnë 15 ilaçe decizive sot në treg. Sigurisht që ky pretendim i Vokshit e rëndoi situatën midis saj dhe ministrit. Ky i fundit u shpreh se ishte sjellje e pritshme “prej teje si specialiste e ilaçeve firmato”.
Në këtë debat është përfshirë edhe deputetja e partisë demokratike, Albina Deda, e cila me tone të ashpra i thotë që mungojnë medikamente.
Beqaj: Nuk mund të dëgjoj broçkullitjet që ke thënë gjithë vitin.
Deda: Injorancë e broçkullitje e kombinuar mirë tek ti. Je strumbullari i gjithë këtyre marrëveshjeve me depot farmaceutike. Pyet se je i vetmi ministër që s’di dhe s’pyet profesorët për vendimet që merr. As modelet që vendosi Nard Ndoka nuk i ruajte dot. Se ti i kapërcen njohuritë e Nardit në shëndetësi”, ka përfunduar debati midis ministrit dhe deputetes.
