Programi i ri i certifikimit për profesionistët e shëndetësisë ka një kohëzgjatje 4-vjecare. Mjekët duhet të mbledhin 120 kredite të edukimit në vazhdim, stomatologët dhe farmacistët e ndihmësfarmacistët 60 kredite, ndërsa infermierët e mamitë 40 
kredite.
Numri vjetor minimal i detyrueshëm i krediteve për mjekët është 10 kredite në vit; për farmacistët, ndihmësfarmacistët dhe stomatologët 5 kredite në vit.
Në fund të ciklit 4-vjeçar të certifikimit, përveç numrit të krediteve të kërkuara, profesionistët duhet të marrin 10 kredite përmes një testi vetëvlerësimi, që kryhet on-line dhe lidhet me specialitetin e profesionistit.
Kreditet e përfituara nga aktivitete të edukimit në vazhdim të lidhura drejtpërdrejt me specialitetin e profesionistit duhet të përbëjnë të paktën 50% të numrit të përgjithshëm të krediteve.
Kreditet e përfituara nga aktivitete të edukimit në distancë nuk duhet të kalojnë 50% të numrit të përgjithshëm të krediteve.
Kreditet e përfituara nga aktivitete të vetëraportuara nuk duhet të kalojnë 20% të numrit të përgjithshëm të krediteve.
Programi i certifikimit për infermierët dhe mamitë fillon në 1 janar të vitit 2016 dhe përfundon në 31 dhjetor 2019./ Shëndet+
