Blerina Bombaj, dietologe
Një erzë tipike e Mesdheut, e njohur për përdorim kurues, por edhe simbolik. Nxënësit në lashtësi, e kanë vendosur si kurorë në kokë me besimin se do të kishin mendje më të kthjellët. Në fakt, është e vërtetë se rozmarina gëzon veti ushqyese të shkëlqyera.
Vetitë ushqyese të rozmarinës:
- E pasur në fibra, hekur, kalcium, tanina, flavonoide dhe vitaminë B6
- Forcon kujtesën, përmirëson humorin, forcon shikimin dhe ndihmon qarkullimin e gjakut
- Ka efekte të dobishme në pacientë që vuajnë nga sistemi nervor dhe qetëson stresin
- Ndihmon mëlçinë në funksionin e saj, tretjen dhe lufton mikrobet e dëmshme
- Është ilaç i mirë kundër rënies së flokut
- Përdorni rozmarinë të tharë në ujin e vaskës për t’u qetësuar dhe tonifikuar!
Këshilla ime: zieni makaronat në ujë ku keni hedhur dy -tre kërcej rozmarinë dhe pak vaj ulliri! Marinoni gjithmonë mishin e kuq me rozmarinë, vaj ulliri dhe hudhër! Provoni të aromatizoni verën e shtëpisë me rozmarinë.
