Deputeti i PS, Alferd Peza pranon dështimin në shëndetësi: Do t’i jemi përsëri borxh qytetarëve
Deputeti socialist Alfred Peza pranon se gjendja në sistemin shëndetësor është shumë larg premtimve të fushatës. Për shkak të problemeve të trashëguara, do t’i jemi përsëri borxh qytetarëve, thotë Peza.
“Reformat në sistemin shëndetësor janë dhimbje koke për çdo qeveri në botë, nga vendet më të varfra e deri tek ato më të zhvilluarat. Sepse kemi të bëjmë me një sektor jetik për qytetarët, ku ritmet e zhvillimit të vendit dhe standardi i shërbimit nuk shkojnë gjithnjë në përpjesëtim të drejtë me njëri-tjetrin. Sado që qeveria jonë të ketë bërë apo të bëjë për shëndetësinë, edhe për ca vite të tjera, për shkak të problemeve të trashëguara, do t’i jemi përsëri borxh qytetarëve. Përsa i përket mjekëve, gjykoj se ata janë pjesë edhe e problemit, edhe e zgjidhjes së saj. Nuk kam shumë njohuri specifike për sektorin dhe nuk do të doja të bëja “Dinshumin”. Por, një gjë është e sigurt, që shëndetësia do të mbetet një nga 3-4 sfidat kryesore të çdo mazhorance e qeverie që do të vijë në Shqipëri në dekadat e ardhshme”, tha Peza në një intervistë për Mapon.
Marre nga lapsi.al
