Për gazetën “Shëndet+”, kardiokirurgu Klodian Krakulli
Shenjat klinike janë në varësi të problemit konkret. Por nëse do flasim për sëmundjet ishemike, shenja tipike është dhimbja e gjoksit. Dhimbja mund të jetë e fortë, por në shumë raste mund të jetë edhe dhimbje qetësie. Është shumë e rëndësishme që 
sëmundja të kapet më përpara që të parandalojë një gjendje infarkti. Infarkti në zemër bën që zemra të dëmtohet. Kjo nënkupton edhe vite jete më pak. Një i sëmurë që ka probleme me zemrën, do të thotë që i bie funksioni i zemrës. Një i sëmurë që ka funksion të rënë nuk mund të kenë të njëjtin aktivitet sikurse edhe njerëzit e tjerë të shëndetshëm.
Sa ndikon stili i jetesës?
Ndikon shumë stili i jetesës. Nëse merr dy persona, një që është obez dhe një që nuk është, një person që është aktiv dhe një që nuk është aktiv, probabiliteti që obezët dhe jo aktivët të sëmuren është më i madh. Edhe të punuarit ulur gjatë gjithë kohës është një faktor ndikues shumë i madh.
A ndikon stresi?
Patjetër që ndikon. Jo vetëm në sëmundjet koronare, por ndikon edhe në të gjitha llojet e sëmundjeve. Në sëmundjet koronare është konfirmuar tashmë që ndikon stresi i vazhdueshëm. Të gjithë njerëzit në episode të ndryshme mund të kenë momente stresi. Por nëse ne përjetojmë stres, çdo ditë në punë apo në aktivitetet tona të përditshme, mundësia e prekjes nga sëmundjet koronare është shumë e madhe.
