Denisa Canameti, gazeta “Shëndet+”
Ketokonazoli doli nga qarkullimi në Evropë që në 2013-n. Por ketokonazoli oral (NIZORAL) vazhdon të përshkruhet në recetë nga mjekët tanë dhe asnjë nga dikasterët e Ministrisë së Shëndetësisë nuk merr mundimin më të vogël për të bërë njoftimet e duhura tek mjekët.
Pezullohen Autorizimet për Tregtim të barit Ketoconazole për përdorim oral nga Agjencia Evropiane e Barnave (European Medicines Agency).
Komisioni Evropian me një vendim të datës 25.07.2013 ka pezulluar Autorizimet për Tregtim për barnat që përmbajnë Ketoconazole për përdorim oral.
Ky pezullim erdhi si pasojë e rishikimit të bërë nga Agjencia Evropiane e Barnave mbi raportin përfitim/risk të barnave që përmbajnë Ketoconazole. Studimi arriti në përfundimin se përdorimi i këtij bari lidhet me rritjen e riskut për dëmtimin e mëlçisë.
Rreziku i rritjes së toksicitetit të mëlçisë nga ketoconazoli është më i madh se përfitimet e tij në trajtimin e infeksioneve fungiale (kliko linqet e mëposhtme)
http://www.ema.europa.eu/docs/nl_NL/document_library/Referrals_document/Ketoconazole-containing_medicines/WC500168347.pdf
