Pështati për gazetën “Shëndet+”: Blertina Koka
Të gjithë i hedhim guaskat e vezëve pasi na duken të pa dobishme. Por nuk duhet t’i hedhim më, pasi ato i sjellin përfitime shëndetit. 
Guaskat e vezëve përmbajnë 90% kalcium, i cili është shumë i nevojshëm për trupin. Kalciumi nuk nevojitet vetëm për kockat, por edhe për nervat, muskujt etj. Kalciumi që gjendet tek guaskat e vezëve është i njëjti me atë që janë bërë kockat dhe dhëmbët e njeriut.
Sipas disa studimeve të kryera nga Instituti Kombëtar Amerikan i Shëndetit, pluhuri i krijuar nga guaskat e vezëve absorbohet lehtësisht në trup dhe sjell një sërë përfitimesh shëndetësore, si forcon kockat, ul kolesterolin dhe tensionin e gjakut. Gjysmë luge çaji me pluhur nga guaskat e vezëve përmban rreth 1000-1500 mg kalcium, që rekomandohet të merret nga të rriturit çdo ditë.
Ja një mënyrë e thjeshtë për përdorimin e guaskave të vezëve:
- Zieni mirë guaskat që të vrisni bakteret e dëmshme.
- Pastaj hidhni në një mulli dhe shtypini mirë deri sa të kthehen në pluhur.
- Pluhurin ruajeni në frigorifer dhe merrni nga një lugë çdo ditë, ku mund ta hidhni në lëng frutash, ta përzieni me mjaltë ose në ushqim / https://shendeti.com.al/
