Artisti Zef Deda është shtruar në spital. Një gjë e tillë është bërë e ditur nga djali i tij Jualian Deda, i cili në rrjetin social “Facebook” ka hedhur një foto ndërsa shkruan:
“Këta janë prindërit e mi. Për syrin tim, janë më të mirët në botë. Këtë Shën Valentin, si asnjëherë, u detyruan t’i shkëmbenin lulet në spital, por njerëz jemi dhe kjo është pjesë e jetës. Babush, ti do të shërohesh, sepse mirësia dhe energjia pozitive, të cilat qenia jote i prodhon instiktivisht, janë ilaçet më të mira që ekzistojnë. Për gjithë dashurinë që i jepni njëri-tjetrit dhe ne, gëzuar. Ju dua shumë!”
Edhe gazeta “Shëndet+” i uron artistit të madh shërim sa më të shpejtë!/shendeti.com.al
