Materniteti i Pogradecit është në kushte skandaloze. Mjafton të shihni foto dhe videon e mëposhtme të publikuar nga lapsi.al për të arritur në këtë përfundim. Suvaja e mureve gati në të rënë, lagështirë, banjot në gjendje mizerabël dhe thuajse çdo pajisje jashtë funksionit.
Sipas deputetëve të zonës (PD), në këtë maternitet është ulur ndjeshëm numri i lindjeve, pasi nënat e reja të Pogradecit shkojnë në spitalin e Ohrit. Këto fakte vijnë si denoncim për degradimin e sistemit shëndetësor, në një kohë kur kryeministri Rama dhe Ministri i Shëndetësisë, Ilir Beqaj flasin për reformë në shëndetësi dhe përmirësim të kushteve nëpër spitale, maternitete e qëndra shëndetësore.
PD thotë se kjo është pasojë e fokusimit të qeverisë tek koncesionet dhe vjedhja përmes tyre dhe jo te përmirësimi real i kushteve në qendrat shëndetësore./lapsi.al
