Drejtori i spitalit të Lushnjës, Ramazan Doko ka dhënë dorëheqjen sot përmes një konference për shtyp. Gjatë fjalës, ai deklaroi se dorëheqja ka të bëjë me motive familjare dhe se është i paaftë për të mbajtur këtë detyrë. “Kam pasur shumë projekte të cilat nuk munda t’i realizoja dot”, ka thënë Doko.
Shkarkimi i tij vjen në një kohë kur 35 punonjës të këtij spitali kanë marrë letrën për shkarkim nga puna me vendim të Ministrisë së Shëndetësisë, të cilët ditën e nesërme nuk do të shkojnë në punë.
Vetë punonjësit që do të largohen kanë kërkuar një zgjidhje. Ata kanë deklaruar se një nga shkaqet e dorëheqjes së drejtorit është dhe largimi i tyre. / http://shendeti.com.al/
