Përshtati për gazetën “Shëndet+”: Blertina Koka
Një infermiere është arrestuar pasi dyshohet për vrasjen e 13 pacientëve. Gruaja ka qenë duke punuar në repartin e anestezisë dhe të kujdesit intensiv, në një spital në qytetin e vogël bregdetar të Piombinos, në Toskana të Italisë.
Pacientët janë vrarë gjatë viteve 2014-2015, me anë të një injeksioni. Viktimat ishin kryesisht njerëz të moshuar, shumë të sëmurë.
Policia e ka monitoruar të dyshuarën për disa muaj. Sipas agjencisë së lajmeve Ansa, gruaja është 55 vjeç dhe ka jetuar në Toskanë qysh prej viteve ‘80. Ajo ishte trajtuar më parë për depresion. 55-vjeçarja ka punuar si infermiere në repartin e anestezisë dhe të kujdesit intensiv për gati 20 vjet.
Një tjetër infermiere është arrestuar në Itali para dy vjetësh me të njëjtën akuzë. Daniela Poggiali, 44 vjeç, dyshohet të ketë vrarë disa pacientë në një spital në Ravenna, në Italinë Verilindore. Ajo u dënua me burgim të përjetshëm në fillim të këtij muaji.
Burimi: BBC / https://shendeti.com.al/
