Edlira Sulejmani
Specializimet pas universitare tek Fakulteti i Mjekësisë ende nuk kanë nisur. Bllokimi i këtij proçesi është një shqetësim jo vetëm për studentët e këtij institucioni arsmor, por edhe për drejtuesit e fakultetit të cilët thonë se deri tani nuk ka asnjë vendim qeverie. Ata shprehen se ky proces ka gati tre vite që zvarritet, ndërkohë që propozojnë që kuotat e specizlizimeve duhet të miratohen nga vetë fakultetet.
”Ka 3 vjet që nuk janë kryer specializime, ka cënuar shërbimin në QSUT, sepse specializuesit kanë kontribut të madh në shërbimin shëndetësor por edhe prespektivën dhe karrierën e tyre. Ka 3 vite që nuk është hapur fare specializimi dhe këtu hapet me vendime qeveria.Unë mendoj që specializimet duhet të jenë në vullnetin e Fakultetit të Mjeksisë dhe fakulteteve të tjera duke e konsideruar si një cikël të rregullt studimesh.”tha Bajram Hysa, dekan i Fakultetit të Mjekësisë.
Dekani i mjekësisë shprehet se bllokimi i proçesit të specializimeve ka sjellë mangësi të shumta të mjekëve të ndryshëm në Qendrën Spitalore Universitare Nënë Tereza, por edhe në qendrat shëndetsore.
”Ka nevojë që nga mjeku i familjes, dhe të gjitha shërbimet klinike dhe sëmundjet iterne.”tha Bajram Hysa, dekan i Fakultetit të Mjekësisë.
Mangësia me mjekë specialistë në qendrat shëndestore, spitale apo maternitet nuk është vetëm një problem në Tiranë por edhe në rrethet e tjera të vendit.
