Përshtati në shqip për gazetën “Shëndet+”: D.Bardhi
Sëmundjet që lidhen më dhimbjet e kokës të tilla si migrena, sinusiti etj janë më të përhapurat dhe shumë njerëz vuajnë nga ato. Në disa raste dhimbjet e kokës janë kalimtare, por në raste të tjera ato e shtojnë intensitetin e tyre dhe kërkojnë kujdes të menjëhershëm.
Ja disa nga dhimbjet e kokës më të zakonshmet dhe që kërkojnë kujdes më të veçantë:
Dhimbje koke me pulsim: kjo dhimbje koke quhet ndryshe edhe dhimbja e kokës “bubullime” , kjo lloj dhimbje koke e ndryshon intensitetin e saj në fraksionë minutash. Shpesh këto dhimbje përfshijnë edhe pjesën e qafës dhe mund të shoqërohen me përhumbje dhe të vjella.
Dhimbje koke sa zgjoheni në mëngjes: sipas Fondacionit Kombëtar të Sëmundjeve në SHBA, thuhet se sëmundjet e rënda shpesh shoqërohen dhe dhimbje koke të mëdha që herët në mëngjes. Këto sëmundje mund të jenë tumoret e trurit, apnea e gjumit, presioni i lartë i gjakut etj. Niveli i dhimbjes dhe simptomat mund të ndryshojnë në varësi të individit.
Dhimbjet e rënda nga migrena: këto dhimbje e kanë intensitetin shumë të lartë dhe shpesh bëhen të padurueshme. Ato duan kujdes të veçantë dhe medikamente për t’u qetësuar.
Dhimbjet e rënda nga sinusiti: shpesh këto dhimbje shkaktohen nga një infeksion akut i sinuseve. Dhimbja sillet rreth syve dhe hundës dhe shpesh ngjason me gripin. Këto dhimbje e ndryshojnë intensitetin nga të ulëta në shumë të rënda, në një periudhë të shkurtër kohore.
Burimi: Web MD
