Denisa Canameti / Shëndet+
Ndërkohë që qendra e konsultave në QSUT është në kaos për shkak të numrit të madh të njerëzve që shkojnë aty çdo ditë, qendra e konsultave te Spitali Universitar i Traumës është bosh.
Organizimi i dobët i Qendrës së Konsultave në QSUT u pa si shkak për krijimin e një situate të pakëndshme radhësh të gjata dhe përplasjesh midis pacientëve dhe rojeve. Edhe pse kjo qendër paradoksalisht u krijua për të shmangur pikërisht këto situata.
Ndërkohë, paradoksi është akoma më i madh, kur mjekët e konsultave në spitalin e Traumës i gjen pa punë, për shkak se asnjë pacient nuk referohet aty.
Nëse Ministria e Shëndetësisë do të merrte në konsideratë shërbimin shëndetësor që mund/duhet të ofrojnë mjekët në spitalin e Traumës, dhjetëra apo qindra pacientë nuk do të vuanin çdo ditë makthin e një vizite në spital./ https://shendeti.com.al/
