Përshtati në shqip për “Shendeti.com.al”: Blertina Koka
Të gjithëve na ka zënë lemza në një moment apo tjetër. Është një gjë e zakonshme dhe pak e mërzitshme. Por, a ka ndonjë të dhënë shkencore se çfarë e shkakton lemzën dhe si mund ta ndalojmë? Me pak fjalë, pse i zë njerëzit lemza?
Lemza është një tkurrje e fuqishme e diafragmës, që takohet në ngacmimet e stomakut, në sëmundjet e aparatit tretës në sëmundjet e sistmerit nervor dhe të nervit të diafragmës.
Edhe shkencëtarët janë pak në dilemë se çfarë e shkakton lemzën, duke qenë se është e vështirë për t’u studiuar. “Nuk mund të shkosh në laborator dhe t’i kërkosh dikujt të zërë lemza”, shpjegon dr. Robert Provine, shkencëtar tek Universiteti i Marilendit.
Zakonisht, lemza zgjat pak minuta e më pas ikën. Ka pasur raste kur është dashur trajtimi me ilaçe për të ndaluar lemzën.
Lemza më e gjatë
Ekziston një njeri, lemza të cilit i ka mbajtur aq gjatë se është regjistruar në librin Guinness. Fermerin amerikan Charles Osborne e ka zënë lemza për 68 vite me radhë, nga viti 1922 deri në 1990.
Edhe pse ai ka pasur një jetë normale, ka disa njerëz që i zë lemza shpesh (që mund të zgjasë më shum se një ose 2 muaj) dhe përjetojnë pagjumësi, rënie drastike në peshë dhe dobësi.
Disa kura të çuditshme për ndalimin e lemzës
Për ndalimin e lemzës ekzistojnë disa të ashtuquajtura kura, si: konsumimi i ujit dhe i sheqerit, mbajtja e frymës, trembja nga një person tjetër etj.
Megjithatë mjekët po përpiqen akoma të gjejnë kura me efikase për trajtimin e lemzës. Një kurë e mirë për trajtimin e lemzës së gjatë është aktiviteti seksual, rekomandojnë mjekët. Ndërsa një tjetër është mesazhimi tek rektumi. Të dy këto aktivitete ndihmojnë për të mbajtur nën kontroll aktivitetin e pavullnetshëm të zemrës dhe traktit të tretjes.
Burimi: VOX.com/ https://shendeti.com.al/
Lexoni disa mënyra popullore të shërimit të lemzës, të rekomanduara nga mjeku Hysni Dankshi.
