Arlinda Gjypi
Për të dashuruarit pas vezëve me çokollatë të Pashkëve, këtë vit ka edhe një lajm të mirë: dentistët thonë se ato nuk janë të dëmshme për dhëmbët tuaj, pasi kakaoja vepron si antikaries duke qenë se përmban substanca që luftojnë bakteret. Por ama është mirë që çokollata të hahet 
me kujdes. Kjo është ajo çka këshillohet nga Kongresi Kombëtar i Kolegjit të Dekanëve Universitarë të Stomatologjisë të mbajtur në Romë. Në dietën “shpëto buzëqeshjen” i jepet rrugë të lirë edhe kafes, verës dhe djathit, që i ndihmojnë dhëmbët të mos humbasin zmaltin dhe të mos sulmohen nga kariesi.
Gjithashtu edhe frutat e pyllit (boronica) përbajnë substanca që e ulin kariesin me 45%, si dhe kosi e ul rrezikun me 20%. Ushqime të mira janë edhe kërpudhat e jeshillëqet, që janë një furçë natyrale për dhëmbët tanë.
