Negociatat janë të rënda edhe për nervat e Kryeministrit Edi Rama. Pikërisht kjo duhet të ketë qenë arsyeja se pse Kryeministri i vendit “ka harruar” ligjin me të cilin krenohet ai vetë dhe qeveria që drejton: Ligjin Antiduhan.
Një foto e publikuar nga syri.net tregon se teksa ndodhej në ambientet e Kuvendit, kur pritej të niste seanca e votimit të reformës, Kryeministri i Shqipërisë po pi cigare, pa marrë parasysh aspak ligjin dhe respektimin e grave me të cilat është ulur në tavolinë.
Gazeta “Shëndet+” bëri përpjekje për të kontaktuar me Inspektoriatin Shëndetësor të Tiranës nëse kanë ndërmend të marrin masa lidhur me këtë shkelje të hapur të ligjit nga Kryeministri i vendit, gjithsesi, për momentin, nuk ka asnjë përgjigje./shendeti.com.al
