Denisa Canameti/ Elona Tereziu, shendeti.com.al
(Përditësim) Policia identifikon edhe pacienten tjetër e cila humbi jetën në zjarrin që përfshiu sot repartin e hemodializës në Spitalin Amerikan 1 në Tiranë. “Grupi hetimor gjatë këqyrjes dhe kontrollit të vendit të ngjarjes, ka konstatuar poshtë një krevati trupin e pajetë të një pacienteje tjetër të identifikuar si shtetasja Hanife Mali, 55 vjeçe, banuese në Laç”, thuhet në deklaratën e dytë të policisë për ngjarjen e sotme.
***
Dyshohet se ka shkruar në tre numri i viktimave nga zjarri i rënë në repartin e hemodializës në Spitalin Amerikan. Gazetarët e ndodhur në vendngjarje shprehen se makina e morgut ka ardhur dy herë në spital për të tërhequr dy trupa. Pacientja e konfirmuar nga policia është Sanie Sulaj, 55 vjeç, e cila ka ndërruar jetë nga asfiksia. Por të afërm të pacientëve flasin edhe për një grua tjetër, e cila gjithashtu ka mbetur viktimë.
Ndërkohë, nga ana e nënkryetares së shoqatës së hemodializës, Alma Sheme, deklarohet se ka më shumë se një viktimë nga zjarri. Sipas saj, edhe pacienti Lefter C. autor i dyshuar i zjarrit të rënë në repart, ka ndërruar jetë. Ndërkohë, Sheme deklaron se gjendja e 69-vjeçarit D. Saraçi, është e rëndë.
