Denisa Canameti / Shendeti.com.al
Ditën e premte pavionet dhe urgjenca e kardiologjisë janë përballur me një fluks të madh pacientësh. Aq sa raportohet se nuk ka pasur asnjë krevat të lirë.
Në kushte të tilla, administratorja e QSUT-së ka menduar shpërndarjen e pacientëve nëpër shërbime të tjera, përkatësisht në pavionin e endokrinologjisë.
“Të premten nuk u bë asnjë dalje nga pavioni i kardiologjisë në katin e dytë. Ndërkohë, as në katin e parë nuk ka pasur vende. Pacientët i çuan te endokrinologjia, që nuk ka asnjë lloj kushti për t’i pritur dhe për t’i trajtuar. Në atë pavion nuk ka barna për pacientët kardiakë”, jashtë shprehur burimet për “Shëndet+”.
Të kontaktuar nga redaksia, burime zyrtare brenda QSUT-së thonë se kjo zgjidhje është dhënë për të shmangur kaosin në urgjencë./ https://shendeti.com.al/
