Ankthi sjell stresin, pagjumësinë, marrjen e mendve dhe shumë probleme të tjera. Të gjitha këto shkojnë zinxhir, prandaj duhen trajtuar që në fillim për të shmangur probleme me serioze.
Personat që vuajnë nga ankthi, stresi, pagjumësia duhet të mënjanojnë ngacmimet nervore, psikike, mërzitjen , emocionet e forta, mbilodhjen mendore dhe fizike. Të bëjnë një jetë të rregullt. Ushqimi duhet të jetë i shumëllojshëm dhe i bollshëm, të mënjanojmë abuzimet me alkoolin dhe duhanin. Gjumi duhet të bëhet i qetë dhe i rehatshëm.
Ja si mund të trajtohen ankthi, stresi dhe marramendja me bimë:
Trëndafil i egër – Në 2 litra ujë hedhim 10 lugë gjelle me fruta të copëtuara, që i ziejmë për 20-30 min. Këto hidhen në momentin e valimit dhe zien ngadalë. Pas ftohjes kullohen me napë në mënyrë të tillë që most ë mbeten qime të holla të trendafilit, që të mos depërtojnë në fyt, sepse ngacmojnë dhe acarojnë fytin e stomakun, dhe pihet çdo vakt para buke e ngrohtë ose e ëmbëlsuar me mjaltë.
Bliri – Valojmë 2 litra ujë. Në momentin e valimit hedhim 10 lugë gjelle me lule të thara. E lëmë 20-30 min duke tundur herë pas herë. E kullojmë dhe e ëmbëlsojmë me sheqer ose me mjaltë. Pihet çdo darkë para gjumit, nga 1 gotë uji në vakt.
